ژنی کوردم، هەم ئاشتیخواز هەم شەرڤانم ، پارێزڤانی کوردستانم

ژنی کوردم، هەم ئاشتیخواز هەم شەرڤانم،
پارێزڤانی کوردستانم.
ئەگەر ئیمرۆ پارێزڤانی نیشتمانم،
ئەگەر ئیمرۆ سنگم قەلغانی گوللەیە،
با بزانی، لە دوای شەریش لە مەیدانم.
لە سەنگەری کۆمەلگادا هەر دەمێنم
نیوەی پانتای سیاسەتیش هەر هی منە.
قەلەمی دەستم، چەکی شانم،
لە خزمەتی یەکسانییە.
ژیانی من پر بەهایە.
خۆسووتاندن باوی نیە.
ئەمن نامووسی هیچکەس نیم.
نامووسی مە ئازادیە، یەکسانیە.
ژنی کوردم، هەم ئاشتیخواز هەم شەرڤانم،
پارێزڤانی کوردستانم.

بە داوا لێبووردن لە شاعیران، من شاعیر نیم بەس بەو وشانە ئیمرۆ دەروونی کولاوم هەلرشت.
رۆیا